Day 8
| 早餐後，instructor楂車送我地去Shower Climb 攀瀑布0既地點．大家著好膠衣，膠鞋，harness同頭盔．行一段路，先到瀑布．好彩我有帶手套，因為行去途中0既泥路，有時要用繩附助，有teammate整損手．攀瀑布講求 teamwork. 好感動，組員俾手，大肶，膊頭大家踩．爬咗上去0既就幫手扯其他人上去．大家冒著寒冷，凍到震，瀑布水流又急又猛，大家互相頂住大家，避免被水流沖走．我無戴 goggles，水打落頭度，乜都睇唔到．我算輕．組員托同扯我上去0個陣好快，我好似搭緊人肉升降機咁．其中一個最難0既瀑布，要利用ｈａｒｎｅｓｓ．Ｒａｙ嘗試爬上去，跌了好幾次．我地換人，試其他方法，試咗好耐先成功．攀瀑布超好玩！！！午餐有飯團，雞扒，芝心獅子狗魚蛋，小食有熊仔餅，ｏｒｅｏ，日本小食，仲有熱飲． | |
之後浸若栗溫泉，泉水五十幾度，可飲用的．好舒服呀！！！
晚上執野，準備黎緊三日兩夜露營．OBJ提供露營背包，睡袋，行山竹，cookset， Montbell Rain Gear(又薄又防風防水，Ｇｏｏｄ！) ，每人一個２Ｌ膠味好重0既水樽，大量食物(一大袋小食，兩日午餐成六個麭，兩條大腸，仲有煮0既早餐同晚餐)等．