Day 8

早餐後,instructor楂車送我地去Shower Climb 攀瀑布0既地點.大家著好膠衣,膠鞋,harness同頭盔.行一段路,先到瀑布.好彩我有帶手套,因為行去途中0既泥路,有時要用繩附助,有teammate整損手.攀瀑布講求 teamwork. 好感動,組員俾手,大肶,膊頭大家踩.爬咗上去0既就幫手扯其他人上去.大家冒著寒冷,凍到震,瀑布水流又急又猛,大家互相頂住大家,避免被水流沖走.我無戴 goggles,水打落頭度,乜都睇唔到.我算輕.組員托同扯我上去0個陣好快,我好似搭緊人肉升降機咁.其中一個最難0既瀑布,要利用harness.Ray嘗試爬上去,跌了好幾次.我地換人,試其他方法,試咗好耐先成功.攀瀑布超好玩!!!午餐有飯團,雞扒,芝心獅子狗魚蛋,小食有熊仔餅,oreo,日本小食,仲有熱飲.


之後浸若栗溫泉,泉水五十幾度,可飲用的.好舒服呀!!!

晚上執野,準備黎緊三日兩夜露營.OBJ提供露營背包,睡袋,行山竹,cookset, Montbell Rain Gear(又薄又防風防水,Good!) ,每人一個2L膠味好重0既水樽,大量食物(一大袋小食,兩日午餐成六個麭,兩條大腸,仲有煮0既早餐同晚餐)等.

-->Day 9